أرسطو ليس فلسفى

أرسطو  ليس فلسفى

"أرسطو" او "Aristotle" الراجل دا كان عظيم عظيم عظيم ، ماسبش موضوع الا واتكلم فيه ، اظن ان احنا كلنا فاكرين انه فلسفة وبس ، لا ، بوست النهارده هيثبت انه كان حكيم لحدٍ ما ، حتى اتى اعظم الرجال "محمد" ......
بسم الله الرحمن الرحيم ...
ارسطو كان ليه في التصنيف العام للكائنات بل وهو اول من صنف في التاريخ ، ارسطو كان ليه في العلوم والطب ، ارسطو كان ليه في السياسة ، ارسطو كان ليه في الفلسفة .... النهارده هتكلم عن موضوع يهمك انتلو عاوز تقنع حد بفكرة معينة او بمنتح معين او باسلوبك ، يعني المعنى الاصح للبوست هو الاقناع "Persuasion" .....

في البداية عاوز اعرفكوا على "Joshua Bell" واحد من افضل عازفي الكمان في العالم ، في التاسع من يناير 2007 عزف "Joshua Bell" امام جمهور عظيم في قاعة ضخمة وحضر اكثر من 1000 شخص والتذكرة كانت بحوالي 100$ او اكتر ، المهم ابدع جوشوا والحضور انصت باهتمام والتصفيق كان على اشده ، وبعدها بثلاثة ايام جوشوا بيل نزل يغني في الشارع تحديداً في المترو ، ويحدث مالا يُتوقع محدش يبصله حسب " الواشنطن بوست " الي كانت بتراقبه من بعيد سته او سبعة وقفوا لدقيقة ويمشوا وهو يفضل يعزف ومفيش ولا بني ادم انصتله. وقال هو بنفسه " انه كان شعوراً غريباً ، الناس كانوا يتجاهلوني فعلاً ، بالكاد كنت ممتن عندما رمي لي احدهم دولاراً " .. ايه الي اتغير ؟ ، نفس الموسيقى ، نفس العازف ، نفس الاداة ، نفس القوة والابداع والشغف ، نفس البشر . لكن لماذا الناس ينصتون ومن ثم لا يستمعون حتى ؟ ، الي قدر يشرح الحادثه دي منذ زمن طويل هو" ارسطو" ......
كتب ارسطو كتاب عظيم عن الاقناع اسمه " Rhetoric" الخطابة، باختصارشرح فيه
"The three modes of persuasion"
"الثلاث وسائل للاقناع" ....
"LOGOS"-- " ETHOS"--" PATHOS" :

1- المنطق "LOGOS" ، حيث انه كل واحد لديه منطق لكن عشان يقنع منطقه للناس لازم يحسن من حديثه ودا وسيلة شائعة جداً في العصر المعاصر ، بمعنى انك تخلي كلامك زي الموسيقى المتربته كويس ، بمعنى انك تناقش كويس و تختار الفاظك بعناية ممكن لفظين يختلفوا في الاقناع ولكن يتفقوا في المعنى، حاول تدخل في كلامك حاجات معاصرة فكرياً لنفس العصر ، لازم تشد انتباه المستمع بمقدمة جيده او طريقة سرد رائعة ، تدي امثلة توضيح اكثر ، استخدم اكثر من لغة لنفس الحديث دي بردو ليها تأثير وخاصة انك تدي لغات قديمة وليس حديثة ، كل الطرق دي بتحسس الي قدامك ان كلامك منطقي او مقنع بشكل اوبآخر .....

2- السمعة والشهرة "ETHOS" ، لو انت عاوز فكرتك تنتشر طلعها على لسان واحد سمعته محترمة وجدير بالثقة ومشهور بادابه ، بمعنى انت هتروح تسمع لمرتضى منصور ولا كاتب مؤدب او محترم حتى لو الاثنين ليهم نفس الفكرة، وبردو السلطة ليها تاثير كبير على الاقناع يعني لما الرئيس يتكلم او صحفي عادي بردو لو ليهم نفس الفكرة الرئيس مسموع اكتر ، عشان كده السمعة دايماً بتسبق المنطق او الفكرة نفسيها .....

3- العاطفة "PATHOS" ، لازم تخرج اكبر انواع العاطفة لدى الناس لتوضيح فكرتك ، لازم تهيأ المناخ المناسب يعني لو عندك فيلم معين عاوزه ينتشر وهو عالتلفزيون مش هيكون ليه تأثير زي مايكون في السينما انا اقصد هنا جعل الظروف والبيئة المناسبة للاهتمام بفيلمك يعني دوشة البيت مش زي روعة السينما .....

نرجع بقا لجوشوا بيل ، ليه الناس في الاول سافروا من بعيد عشان يسمعوه وبعد كده مانتبهوش ليه ولو للحظة ، في الحقيقة الي حصل ان جوشوا كان له نفس المنطق "LOGOS" والطريقة واحدة في الحالتين لكن افتقد للسمعه والعاطفه "ETHOS - PATHOS" لانهم اختلفوا ، من ناحيه السمعة الناس في البداية الناس حضروا في قاعة حفلات بوسطن الضخمة يعني اكيد الي بيعزف هناك من وجهة نظر الناس احسن بمرااحل من المترو ، ومن ناحية العاطفة والجمهور فإن مكان هادئ زي القاعة جعل الناس تنصت باهتمام تام اما في المترو كان صفير وكلام واصوات غير مناسبة لتجعل البيئه الممتازه للانصات ....
انا حاولت في البوست دا اني استخدم جميع وسائل الاقناع لايصال فكرتي الي في اول البوست ، ان ارسطو كان حكيم ، راجع البوست تاني وانت هتلاحظ استخدامي لوسائل اقناع كتير .....😃
وسائل الاقناع دي خطيره لازم توعي نفسك من كل كلمة بتقولها او بتسمعها ، انت متعرفش كلمتك دي وراه قد ايه اقناع لغيرك ، بس حاول قبل كل كلمة فكر 10 ثواني