انت البطل

         انت البطل

اكيد سمعت "The dark knight" او " The Hunger games" او "Super man" و "Amazing spider man" و "Iron man" و غيره من الافلام الي بتديك طاقة ، و المشترك بينهم هو انهم كلهم بيتكلموا عن ابطال ، يعني بنسبة 90% على الاقل كان نفسك تصبح مكانهم او زيهم .....
بسم الله الرحمن الرحيم ....
كلمة البطل ليها تأثير كبير على الانسان مين فينا محلمش انه يبقا بطل زي هاري بوتر و بروس واين ، في الحقيقه كلهم نفس البطل بس بوجه مختلف.... في واحد عظيم اسمه "Joseph Campbell" صدق الموضوع دا ودرس جميع الافلام والكتب والاساطير الي بتتكلم عن الابطال ولقاهم كلهم بيتبعوا نفس النهج ، وجمعهم في كتاب اسمه "The Hero With A Thousand Faces" وعمل الطريقة دي على شكل ساعه من 1 الى 12وفكر فيها على شكل دورة بتبدأ و بتنتهي في حياة البطل العادية ولكن في الوسط بالظبط بتبدأ حياة البطل الخاصة ... ....

الساعه 1:00 - "A Call To Adventure " او نداء للمغامرة ، بتيجي للبطل رسالة او تحدي غريب ودعوة مش مألوفة و بتبدأ المغامره..

الساعة 2:00 - "Assistance" المساعدة ، البطل بيجيله مساعدة من رجل حكيم او صديق ليه وبيساعده على انه يبدأ المغامرة بقوة .....

الساعة 3:00- "Departure" المغادرة ، البطل ساعتها بيترك عالمه العادي من بيته وعمله وبينتقل لعالمه الخاص وهنا تحديداً بتبدأ المغامرة .....

الساعة 4:00 - "Trials" التجارب ، البطل بيخوض تحديات وتجارب مرهقه ، بطل بيحل الالغاز وبيقتل الوحوش ويحارب الاخطار ......

الساعة 5:00 - "Approach" المضي قدماً ، الوقت حان للبطل انه يحارب اكبر مخاوفه على الاطلاق .....

الساعة 6:00 - "Crisis" الازمة ، البطل بيُهزم وبيقترب من الموت ، او بيموت ، بس ليولد من جديد لمرحلة يصبح فيها اقوى واعظم ......

الساعة 7:00 - "Treasure" الكنز ، البطل فيها بيقضي على اكبر مخاوفه و كل العقبات و بيحصل من بعدها على مكاسب ممكن تكون بعض السلطة او حتى الاعتراف بيه وبفضلة....

الساعة 8:00 - "Result" النتيجة ، ودي بتختلف من قصة لقصة ممكن يخضع العقبات والوحوش ليه ، او تبدأ لمطارده وهو بيهرب من عالمه الخاص.....

الساعة 9:00 -"Return" العودة ، البطل فيها بعد المغامرة العظيمة دي بيرجع لعالمه العادي بعد لما تغلب على كل الصعوبات .....

الساعة 10:00- "New Life" حياةٌ جديدة ، هنا البطل بيغير حياة العادية اصبح ليه هدف اعلى واحسن اصبح مهتم لحياة افضل .....

الساعة 11:00 - "Resolution" القرار ، البطل فيها بيفهم كل الي حصله ويستخلص منها حكمته الي بتكتب او بتسمع دايماً في نهاية كل قصة .....

الساعة 12:00 - "Status Quo" الوضع الراهن ، لكن هو مختلف عن الوضع السابق للبطل قبل المغامرة.....

هنا بتكون نهاية كل قصة و مثل كل شيئ مفيش حاجه ثبتت زي ماكانت كل شيئ اتغير ، جميع القصص البطولية اتبعت الطريقة دي لتصنع من شخصيتها بطلاً عظيماً ، حاول تقارن كل المراحل السابقة مع اي فيلم بطولي انت شفته ، لقيته متشابه؟ ...
دلوقتي عاوز اسألك هل انت شايف نفسك فيهم ؟ ، احب اجاوب واقولك اه كلهم كانوا في الاول انسان طبيعي زيك بالظبط كل الي غيرهم هو انهم قبلوا دعوة الحياة الغريبة ، الاسطورة البطولية دي بتتكمل دايماً ببطل انهاها ، كل ثقافات البشر كانت موجودة فيها الاسطورة البطولية العظيمة ودائماً بتتحدث وتتجدد لأن احنا البشر بنعكس افكارنا عن العالم في شكل قصص رمزية بطوليه في محاولة ان احنا نطلع البطل الموجود في كل انسان ، انت يمكنك انك تترك مكان استقرارك و تخوض تجربة انت عمرك ما كنت تتصورها عشان تكسبك خبرة ، ممكن تتعثر لا مش ممكن دا دائماً بس احنا بنقع عشان نقف اقوى من الاول ، ومش لازم عشان تبقا بطل انك تحارب الوحوش او كده ، وزي ما جوسيف كامبل قال:
"The cave you fear to enter , Holds the treasure you seek"
"الكهف الذي تخاف ان تدخله ، يحمل الكنز الذي تبحث عنه"
كل واحد فينا بداخله كهف مليان مخاوف لما انت تقرر انك هتواجه مخوافك وتدخل كهفك المظلم هتلاقي ماتتمناه من كل شيئ ، وساعتها بس هتكون "انت بطل القصة"