الماضي .. الحاضر ..المستقبل Last .. present ..the future

الماضي .. الحاضر ..المستقبل Last .. present ..the future

الماضي .. الحاضر ..المستقبل ،،، هم التلت مراحل الوحيده في حياتك خلينا نبدا بالجزء الاكبر الماضي ،،، 
القرن العشرين و بتبدا باهم جزء الحرب العالمية الاولى بعدها الثانية وبعدها الحرب الباردة وبعدها بداية العالم الافتراضي للمعلومات والي هو جزء كبير من الماضي وللاسف الحاضر وطبعا ماننساش اول رحلة للقمر ،،،،نرجع ورا شوية ..... قبل حوالي 500 سنة الانسان بدا يتطور شويه بالصناعات واول الألات والمحركات الناس بدات تسيب الزراعة وتتحول للصناعه وطبعا نظرية التطور الي كانت واخده جزء من الاهتمام ....قبل كده القرن القرن ال 15 بداية الاكتشافات الجغرافيه واضخم اكتشاف امريكا..قبلها بشوية فتح القسطنطينية ونهاية العصور الوسطى ... قبلها بكتير بقا حوالي 5000 سنه كده عملنا الحاجه الوحيدة الي ابهرنا بيها العالم الاهرامات وحضارة الفراعنة ..... طيب كل ده كان متسجل ومحفوظ عن طريق الكتابة طيب والي قبل كده ؟ .... خلينا متفقين ان الانسان عرف يبقا انسان فعلا مع الثورة الزراعية الي حصلت الي بالتالي كونت كل شيئ احنا عايشين فيه دلوقتي ...
نرجع بقا اكتر في اكتر من2 مليون سنه كان في حاجه اسمها العصر الحجري و بده يكون الانسان عرف يعني ايه ادوات او علاقل بدات تتكون ملامح الحياة ...
قبلها بفترة ضخمه جدا 65 مليون سنه انتهى عصر الديناصورات باصطدام مذنب ضخم بالارض، وبدات تتطور الثديات وتظهر بس قبل كده في ايه ....
بس خلينا متفقين ان الديناصورات حكمت الارض لمدة هائله ما يقرب من 165 مليون سنه ! يعني ال "t-rex" اقربله انو يروح حفلة عمرو دياب النهارده من انه يشوف ديناصور في اوائل عصورها 😃....قبلها ب 600 مليون سنه كانت نشأة الحيوانات البدائيه زي السمك وبعض الحاجات الصغيرة كده ....
من 3بليون سنه الحياة كانت عبارة عن كائنات بدائيه دقيقه جدا جدا جدا ودي تعتبر جدجدجدجدجد جدك 😃.. نطلع بقا اكتر من اكتر من 4 بليون سنه اتكونت الشمس وبعدها ب 60 مليون سنه اتكونت الارض وبدات الحياة ... من 13 بليون سنه الكون اتكون من ال "big bang " شفت يا راجل يا طيب من امتى ! وبعدها ب 600 مليون سنه اكونت مجرتنا .. قبل ال big bang منعرفش اي حاجه للاسف وممكن منعرفش ابدا ...ودي نهاية اول مرحلة "الماضي"...
نسيب الحاضر ونروح للمستقبل ..
مبدئيا كل الي نعرفه عن المستقبل توقعات مبنيه على حقائق بس بردو شبه مؤكدة ،، بعد تقريبا بليون سنه الشمس هتكون حارة جدا جدا وبالتالي احب اقولك مش هتكون في حياة عالارض 😢 ياللاسف ... بعدها بعدها ب4 بليون سنه الشمس هتموت و المجموعه الشمسيه خلاص مع السلامه،ساعتها ابقا غني الاغاني الحزينة بتاعت شيرين 😃...
بعدها بتريليونات السنين ! اخر نجم في الكون هيموت بعدها الكون هيصبح ظلام في ظلام صدق عبدالحليم :(طريقك مسدود مسدود ) وهيكون الكون عبارة عن ثقوب سودة black holes وبعد اخر ثقب اسود لما يموت هتيجي اخر مرحلة للكون حاجه اسمها ال heat death متنساش بقا تطفي اغاني شيرين ..
حزين صح بس احب اقولك دا كله بعد ايه لما العالم ينسا جون مجدي عبدالغني 😃 يعني بعد سنين طويييلة جدا ..نرجع بقا للحاضر الي انت دلوقتي بتشوف فيه البوست وكل ثانيه من عمرك انت والكون بتمر فمتاجلش الامور علاقل روح اعمل الي انت عاوزة ... روح كلم كل الناس ، روح ذاكر لتبني مستقبلك ، بعدها استريح واقعد على الكرسي و هي دي الحياة