طرقع" ايدك"

             

طرقع" ايدك" 

كل واحد اكيد طقطق "طرقع" ايده قبل كده ولو حتى مره واحده وانا اول واحد فيكو 😃،،،، 
خلينا نبدا باننا نعرف ايه العظم الي ممكن بارادتنا نطقطقها حاجه معروفه علميا ب synovial joints يعني العمليه مبدئيا بتحصل في المفاصل دي مش في الاربطه او حتى العضلات ...الخ،، وبين المفاصل دي في حاجه شبه سائله كده تعرف ب synovial fluid بحيث انه يكون بين كل عظمة والتانيه موجود المادة دي .. الماده دي بتكون باختصار بجزيئات "تشحيم" ايوه. انت عظمك بيتشحم عشان ميحكش ويعمل خشونة ..الخ ،،، بتتكون الجزيئات دي من hyaluronic acids وحاجات تانيه شبيهه بكده ...
لغاية دلوقتي انا مجبتش جديد او حتى مقولتش ايه سبب صوت الطرقعه .. طيب خليك معايا وركز كده ،،
ال synovial fluid دا و مثل اي سائل تاني موجود في جسمك فيه جزيئات غازيه مذابه .. لحظه كلنا عارفين انك لما تطقطق ايدك بتوسع الفجوة بين المفاصل بس متخفش السائل بيكون زي ماهو بس يتمدد وبيرجع تاني لما تاني تخلص طقطقه بس جزيئات الغاز دي بتجمع بس انت لو مسبتش ايدك الجزيئات دي هتضغط وتذوب تاني عشان كده تقريبا متقدرش تطرقع ايدك مرتين في ربع ساعه عشان لما تكون تاني وتظهر الجزيئات ... بردو لسه معرفناش الصوت ،، انا قلتلك ان الجزيئات دي بتتجمع في واحدة كبيرة بعض العلماء بيقولو ان دي اول صوت للطرقعه والتاني انك تفرقع بلونة الجزيئات دي ،،، طيب تيجي حته مهمه متسبش قراية البوست كمل معايا كده 😁 بص يا سيدي انت لما تطقطق صوابعك مثلا بتوسع وبتكبر الفجوة حول المفصل بس بردو السائل الثابت عشان كده كل ما تطقطق صوابعك بتحس براحة جمييلة ، بعض الناس بقا الي حواليك بتقلك ان الطرقعه دي هتجبلك الي arthritis او الروماتيزم 😈 عاوز تعرف الكلام ده صح خلينا نشوف قصه دكتور اسمه Donald Unger الصراحه هو لما كان ولد سمع الكلام دا كله والواد من عناده راح قال انو هيطرقع صوابع ايده اليمين طول 50 سنه شفت 50 سنه بيطرقع صوابعه يعني حسب كلام الناس المفروض ايده كانت الله يرحمها لكن توقع النتيجه بعد خمسين سنه عمل تحاليل على ايديه الاتنين لقاهم الاتنين مش فيهم اي حاجه ولا حتى روماتيزم😃 واستحق انه ياخد جايزة نوبل على الكلام ده ...
عموما كلام الروماتيزم ده طلع اي كلام ومش حقيقي لكن بعض واقول بعض تاني من العلماء بيقول ان ايديك هتوسع ويجعلها منتفخه لكن الشيئ الي مؤكد من ظاهرة الصوت دي انها بتزعج الي بيكره الطقطقه