السرطان "CANCER"

                                               السرطان "CANCER"

 اتكلمت عن السرطان نفسه ونبذة عن طرق العلاج المتاحة حاليا وتقريبا كانت يائسة وتوحي بفقدان الامل ،،، بس النهارده خلينا اوريك شويه تفاؤل وامل يعني....

خلينا نعرف في البداية ازاي بينتشر السرطان من خليه لاخرى ومن عضو لاخر وازاي بيقضي على الخلايا ..
الخليه السرطانيهة اللعينة دي بتكون على هيئة ورم طبيعي لو اتشال خلاص كده اما بالنسبة لو متشلش ..
الخلية من نفسيها بتتكاثر و كمان بتقتل خلايا تانيه ويحولها لمصابة مثله بس ايه الي يخلي خليه واحده في حته تروح لعضو في الانسان في مكان تاني خالص.. عمليه الانتقال دي بتسمى "Metastasis" او الانبثاث (شكر خاص ل جوجل ترانسلاتور) هو الصراحه الطرق المعروفه حتى الآن في العلم هما تلاته ....
1-Transcoelomic:
الطريق الاول هو ده .... وفيه الخلية السرطانية بتخترق او بتقطع الاسطح الخارجية للاغشية والتجاويف الي تعرف باسم ال "Peritoneal Cavities" وهي من طريقها بتوصل لاكثر من عضو... يعني ولنفرض الخلايا المصابة في سرطان الرحم بتنتقل منه للكبد عن طريق القنوات دي وتبدا بتحويل خلايا الكبد الى مصابة ...
2-Hematogenous:
وده الطريق الثاني .... الخلايا السرطانيه فيه بتخترق او بتغزو الاوعية الدموية وبتمشي فيها طبيعي خالص ... ولان الاوعيه الدمويه تقريبا في كل مكان في الجسم فالخلية المصابة بتروح منه على ابعد عضو هي كانت تحلم بيه...
3- Lymphatic:
ودا اخر طريق ... الخليه المصابة بتتمكن انها تخترق ال "Lymph nodes" هي عموما عامله زي التشابكات كده في ال "Lymphatic system" .. هي بتخترقه وبتسافر منه لاي عضو هي عاوزاه و ايضا ال"Lymphatic system" يعتبر شبكة ضخمه للسرطان ودا غير ان هو بينتهي في الاوعيه الدمويه.. يعني عبارة عن شركة رحلات مضمونه وسريعه وشاملة .....
كده عرفنا الطرق الي بيسلكها السرطان وبعد كده ...
الخلايا السرطانية بتتجمع تاني بعد رحله طويله وتكون ورم مصغر معروف باسم "Micrometases"
بعدها الاورام دي بتنمو تاني لتكون ورم متكامل واكبر يستطيع انه يحارب الجسم ...
خلينا نتفق ان انواع انتقال السرطان بتعرف من مكانها يعني لو كان "Prostate Cancer" غالبا هينتقل للعظم بينما لو في سرطان القولون "Colon Cancer" هينتقل وينتشر للكبد وعلفكرة لو احنا قدرنا نفسر عمليه الانتقال دي نقدر نطور العلاج بمراحل من دلوقتي ...
عموما عمليه الانتقال والسفر دا فسره كثيير من العلماء وكل واحد ياما يتفق مع التاني او يكتشفلي نمط معين للانتقال بس هما فيه اكثر اتنين مشهورين هنتكلم عنهم ؛
1- Stephen Paget
هو جراح بريطاني.. والله الراجل دا طرح نظرية ال " Seed and soil theory of metastasis" او كما تعرف بنظرية البذرة والتربة.. هو الراجل قال بكل سهوله البذرة مش بتزرع في التربة المناسبة وكذلك الكلام في السرطان (معلش هو قالب على فلاح شويه) لما الخليه المنتقله تروح لمكان ظروفه مش ملائمة الخليه تلقائيا بتموت وبتعيش بس في العضو الي ظروفه مشابهه للخليه المصابة، لغايه ماجه عالم تاني ...
2- James Ewing
اول عالم للامراض في جامعة "Cornell" ، الراجل قال ان عمليه ال"Metastasis" بتحدد عن طريق مكان صرف الخلية المصابة من الاوعيه الدمويه او الطرق التلاته الي فوق بمعنى ان الشخص المريض بورم ابتدائي لما الورم دا ينتقل ويروح مثلا على الرئه هيكون سرطان الرئه ...
حتى الآن النظريتين دول نفعو العلماء دلوقتي بكثرة والاتنين فيهم معلومات قيمة جدا بس حتى الآن عمليه الانتقال دي او الانبثاث هي معقدة اكثر من النظريتين من عوامل كتير يعني مثلا قدرة وقوة الورم السرطاني و تدخل المناعة في العمليه دي..

النتيجة من الكلام دا كله هو ان دراسه الجينات و البيئة الخاصة بالسرطان وطريقه انتقاله هينفع كتيير جدا في عمليه قتله بدون اذية باقي الخلايا وفي حتى علماء بيحطو نظريات ل ازاي نقوي جهاز المناعه بقدرة انه يقضي عليه تلقائيا وفي علماء اخترعو كائن زي وسيلة دعم مع الجهاز المناعي ..والصراع دايما مستمر بين العلم والمرض وزي ماكان في طاعون ومجاعه وامراض خلصت في دلوقتي سرطان والحكاية دايما مبتنتهيش