مرض الإيبولا "EBOLA VIRUS"

                                 مرض الإيبولا "EBOLA VIRUS"

مرض الإيبولا "EBOLA VIRUS"، هو مرض غني عن التعريف وكلنا سمعنا بيه او هسألك ما مدى معرفتك بالإيبولا ؟ ، ها تعرف كتير ؟ ........ الموضوع دا طويل لكن صدقني امتع بوست كتبته
بسم اللّه الرحمن الرحيم .
اولاً عاوز اعرفك حقائق عن المرض حسب منظمة الصحة العالمية ، ظهر اول مره في1976 في (السودان) و ( جمهورية الكونغو في قرية يامبوكو على نهر ايبولا ومن هنا اتى الاسم ) ، ظهر ابلاغ عنه في مارس 2014 في غرب إفريقيا بدء بغينيا حتى وصل الى الولايات المتحدة جواً عن طريق مسافر واحد فقط، المرض دا فيرس ودا هو تكملة البوست الممتعة جداً ..
خليني في البداية اقولك نبذه عن الجهاز المناعي والحرب مع الفيرس بيكون علفكرة على شكل حروب كده ، هو جهاز معقد جداً جداً لكن هعرفك اهم حاجات ليها علاقة بهذا الفيرس الخبيث ؛ في خلايا اسمها "Dendritic cells" العقل المدبر للجهاز المناعي بتكون مجهزة ب " anti-virus cells " وبمساعدة "anti-bodies cells" ومصانع انتاح ليها بالاضافة الى ال"Guard cells " القوية بيقتلوا الفيرس في خلال ايام فقط لا اكثر ، لكن عندما نتكلم عن الايبولا يبقا حاجه دارسه وفهمه مش اي حاجه يعني ولأن دا فيرس فالايبولا مبيعش الى على غزو باقي الخلايا ....
المهم الايبولا بيعمل ايه ، بيخش على ال"Dendritic cells" عن طريق الاجزاء الي هي بتنتقل منها ويتربط بيها وبعدين يبهدلها تماماً ،يروح يغير شوية DNA على RNA ويخرب ويدمر فيها المسكينة لغاية مايسيطر عليها تماماً و لا يكتفي بكده بل بيعمل مصانع بداخل الخلية المسيطر عليها ينشر بيها الفيروس داخل الجسم شغل خبرة يعني ( اول جولة يكسبها الايبولا) ، بعدين غرفة عمليات الجهاز المناعي بيروح يبعت خلايا تستكشف الي حصل يقوم الايبولا بعد لما ينشر الفيرس بيروح على باقي الخلايا المناعية المتخصصة الي بعتها للجهاز المناعي وبيخدعها على انه خلية عادية لكن اول ما يطمن الجهاز المناعي يروح يقضي عليها تماماً مش يسطر عليها (تاني جولة يكسبها الايبولا ) ، الجهاز المناعي يتجنن عمال يفقد خلايا كتير جداً يقوم يبعت حاجه اسمها "Natural killer cells" دي متخصصة جداً في قتل الحاجات الي زي الايبولا وفعلا بيقضي علي الخلايا المصابة لكن بعد اما يكون انتشر مليارات الفيروسات داخل الجسم وبيقضي حتى على " Natural killer cells" ( ثالث جولة بيكسبها الايبولا ) ، بيخش الايبولا بعد كده على اعضاء تانيه ويغزوها بسهولة ان الجهاز المناعي تقريبا مدمر جداً وعمال يُدمر وينتشر بداخلة الفيروسات وفي نفس الوقت عمال يموت خلايا الحامية القوية ( الايبولا بيكسب الجولة الرابعة بكل سهولة)....
اظن الايبولا بهدل الجهاز المناعي و جسم الانسان بشكل كافي يعني كفاية كدا صح ؟ ، لا كمان الايبولا لا يكتفي بهذا فقط بل بيروح لخلايا اسمها "Macrophage cells " و " Monocyte cells " المتخصصة بحماية بعض الاماكن في الجسم بيروح يخدعها ويأمرها انها تعمل الي هو عاوزه زي انها ترسل اشارات للاوعية الدموية باطلاق السائل الي فيها وكده يكون ضرب تلت عصافير حجر واحد: انه دمر الخلايا الي فوق دي وامرها بانها تفتح المجال للسائل ده انه ينتشر و دمر الخلايا الي داخل الدم ( خامس جولة الايبولا يستحقها بنجاح تام ) علرة كل الي فات دا بيحصل في وقت واحد يعني الجسم بيكون منهك جداً من الي بيحصل جواه ، المهم القادة العسكريون القائمون على الجهاز المناعي بيضطروا يستخدموا حاجه اسمها " Cytokine storm " ويا الهي على الي هيحصل بس بردو هما معذورين دا عمالين يخسروا من الصبح الحرب خلاص بتروح من ايديهم ، المهم ال"Cytokine storm " دي بتخلي كل الخلايا وكل جزء في الجهاز المناعي يشتغل ودا زي شغل انتحاري كدا بيقتل كل الخلايا منهم المصابة والغير مصابة وبيدمر كل شيئ في محاولة يائسة للنجاه من الموت وفعلاً في بعض الحالات بيروح الايبولا بس هنا الجهاز المناعي مكسبش الحرب دا كدا خسر كل حاجه بيخلي كل حاجه تموت وبيخلف وراه اضرار هائلة ؛ بيخلي الاوعية الدموية تفرز دم كتير جداً زيادة عن اللزوم وبعدين بيعمل جفاف حاد ، بيمنع الاوكسجين من الوصول لبعض الاماكن في الجسم وحاجات تانية ....
ساعتها فرصة ان المصاب يموت كبيره جداً حاليا بيموت سته من كل عشرة مصابين بالايبولا !......

النتيجة الايبولا مرض لم نجد له علاج محدد حتى الان و زي امراض كتير الايبولا محتاج منا دعم اكثر وفي نفس الوقت البعد عن المصابين بشكل اكبر والوقاية منهم ، الايبولا مش بعيد عنا دا في نفس قارتنا فكل ماعليك هو الوعي مش اي حاجه تاكلها ولا اي حاجه تلمسها او تشربها، وشكراً ....